A mansión dos Pampín

Colexio de arquitectos ; Miguelanxo Prado

Este cómic cóntanos a historia dunha familia á que lle morre a súa tía e herdan unhas terras e unha casa... Pero atópanse que todo estaba moi cambiado dende a última vez e nada era como o recordaba porque estaba todo en moi mal estado, pero arranxan e véndenlla ao alcalde para sacar algo de cartos.

Nota: 5

O mundo secreto de Basilius Hoffman

Editorial: Urco. Escrito por Fernando M. Cimadevila

Este libro cóntanos a historia dun home chamado Basilius e ten que coidar do seu sobriño chamado Peter durante as vacacións. Pero, ao durmir, unha especie de felino rouba os seus soños. Entón Peter e o seu tío Basilius van falar coa raíña da cidade dos Tellados e esta dille que aquel felino é o que quería. Cando se decataron de que lle querían roubar os soños foron de aventuras en busca dun bastón e dunha máscara

Nota: 7

Consumir preferentemente

Editorial: Anaya Escrito por: Raúl Vacas

Este libro gustoume, pareceume bastante entretido e estivo moi ben por algúns poemas, tamén me pareceu divertido por algúns outros.

Nota:6

O achado do castro

Escrito por Manuel Núñez Singala. Editorial: Sotelo Blanco

Esta obra de teatro foi escrita no ano setenta e sete antes de Cristo. A obra trata sobre un emperador, a súa filla Carmiñae e Arpexia e o seu fillo Manolitus, estes dous rapaces estaban moi namorados pero os seus pais non aprobaban a súa relación. O Emperador tiña un medallón e había dous ladróns chamados Catulo e Caleno que querían roubarllo pero non eran capaces. Ao final o Emperador e Arpexia tamén rematan namorándose e planeando unha voda, e así Manolitos e Carmiñae tamén poderían casar.

Nota:8

Memorias dun neno labrego

Autor: Xosé Neira Vilas. Editorial: Galaxia

Este libro cóntanos a historia dun rapaz chamado Balbino, a súa familia era moi pobre. Balbino tiña un pequeno diario no que escribía todos os días e nel contaba a súa vida. El tamén era moi intelixente e moi traballador, pero un día escapouse da casa a causa de que lle pegaban. Ata que ao final atopouno o seu can. Despois morreu o seu tío e gardou loito pola súa morte. Logo o Manolito queríalle pegar, pero Balbino dalle cunha pedra na cabeza.

Nota:6

Xoeliki as aventuras dun ciberpirata

Autor: Abraham Carreiro. Editorial : Sotelo Blanco

Este libro cóntanos a historia dun rapaz chamado Xoeliki que ten once anos ao que lle gustaba moito xogar cos ordenadores e falar cunha rapaza á que coñecera pero nunca a vira. Un amigo do seu pai púxose en contacto con Xoeliki para regalarlle un teléfono móbil con videochamada para ver á rapaza coa que falaba sempre. E Xoeliki entrou a formar parte dunha escola pirata para loitar contra un virus que afectara a todos os ordenadores do mundo.

Nota: 7

Alfagan é Flanagan

Escrito por Andreu Martín. Editorial: Xerais

Este libro cóntanos a historia sobre un xove detective chamado Flanagan. No Nadal, xusto o mesmo día de reis, resulta que unha amiga da mesma clase que Flanagan chamada Nieves é desaparecida. O pai de Nieves tiña moito diñeiro, era rico, e pediulle a Flanagan que investigara a súa desaparición. Flanagan coa axuda de Blanca remata descubrindo unha banda de delincuentes aos que declaran culpables nun xuízo...

Nota: 6

Exogamia 0.3

Escrito por Ramón Caride. Editorial: Xerais

Este libro cóntanos varias historias:

A primeira historia trata sobre uns rapaces e a súa forma que tiñan de vivir.

A segunda historia trata sobre un furtivo que cazaba animais pero acabou morrendo a causa da picadura dun mosquito.

A terceira trata sobre un motorista que remata matando o seu compañeiro nun accidente.

A cuarta historia trata sobre uns homes que fan experimentos con algúns animais.

A quinta trata sobre uns inmigrantes aos que non lle dan unha boa benvida.

E a sexta e última trata sobre unhas persoas que querían experimentar cun home.

Nota:7

Eloísa está debajo de un almendro

Autor: Enrique Jardiel Poncela ; editorial Espasa



Este libro é unha comedia de enredo, na que hai dúas familias que son moi amigas, os Ojeda e os Briones, na que ningún membro estaba moi ben da cabeza. Contan a historia dun asasinato que nunca foi verdade. Pensaban todos que fora Ezequiel o asasino, pero el en realidade mataba gatos

Nota:7

Flanagan 007

Autor: Andreu Martín ; editorial: Xerais

Este libro conta a historia dun xove detective que trata de resolver o caso da súa irmá que resulta que está desaparecida. O xove detective, chamado Flanagan, leva a cabo o caso da súa irmá investigando no tren que atracaran Carles e Pili, onde fora desaparecida. Alí Flanagan coñece a unha rapaza chamada Bruna da cal se acaba enamorando e rematan resolvendo o caso xuntos. O tren ao chegar a Madrid con Flanagan e Bruna descubreu que a Carles lle deran unha malleira e estaba no hospital, entón dálle un libro de axedrez para axudarlle a descubrir quen fora o traidor...

Nota:6

A praia dos afogados

Escrito por Domingo Villar. Editorial Galaxia

Este libro conta a historia dun inspector chamado Leo Caldas. Trata sobre un asasinato que acontece na praia de Panxón. Era un home que morrera afogado a causa dun golpe na cabeza e tamén coas mans atadas cunha brida. A vítima era Justo Castelo, e tiña un amigo chamado Valverde, que sempre ían xuntos no barco. O seu amigo Valverde matara a unha muller chamada Rebeca e tamén ao Rubio porque lle ía dicir que fora el. O inspector e o seu compañeiro investigaron e descubriron quen foi o verdadeiro asasino....

Nota:6

A verdadeira historia do burro Feldespato

Autor: Xerardo Quintiá. Editorial: Galaxia

Esta historia trata sobre un burro que marcha da casa porque o seu dono sempre lle pegaba e nunca lle daba de comer. O burro vai a Sete Lúas, unha vila onde había unha casa que vivía unha meiga, Marica Pendella. A meiga durmía durante 100 anos por culpa dun feitizo que lle saíra mal. Mentres ela durmía o burro -namorárase dela- aprendera a falar. Pero un día máis adiante perdera a fala e marchou de alí. E mentres el vagaba polo mundo escribiulle un poema á meiga para recitarllo cando espertase.

Nota:5

O inferno de Marta

Escrito por Pasqual Alapont ; editorial Xerais

Este libro trata da historia dunha rapaza adolescente que sae con Héctor, un rapaz que estivo vivindo en Inglaterra durante un tempo. Este maltrataba a Marta insultándoa e ridiculizándoa. Pero nun momento a cousa tranquiliza e quérense moito, pero ao volver con Héctor non sabía que os seus mellores amigos Carme e Braulio daríanlle de lado por avisar de que lle volvería pasar. E así foi, un día nun bar, Héctor obrigábaa a beber pero ela non quería, entón chega un home chamado Vicente Jordá, un profesor que lle dera clase a Marta en terceiro e ela preséntaos. Máis tarde Marta e Héctor marchan nun taxi para a casa.....

Nota:8

Made in Galiza

Escrito por Sechu Sende. Editorial Galaxia

Este libro cóntanos as historias sobre o que debemos e non debemos facer para protexer a nosa lingua e así que non desapareza. Na miña opinión este libro non estivo mal e foi moi entretido.

Nota: 6

O Carteiro de Bagdad

Escrito por Marcos S. Calveiro; editorial Tambre

Este libro trata sobre unha familia que vive en Bagdad. O home chamado Ibrahim traballaba de carteiro, naquel momento estaban en guerra e Ibrahim sufrira un accidente de moto. Ao sufrir o accidente pídelle ao seu fillo, Adbulwahid, que tiña que entregar unha carta. Consegue o enderezo grazas ao primo dun amigo seu. Ao chegar á casa era un home de avanzada idade, e na carta estaban as sementes da árbore da vida....

Nota:6

Matilda

Edición Alfaguara, escrito por Roald Dahl

Este libro trata sobre unha rapaza de cinco anos que é superdotada, os seus pais tratábana mal, o seu pai era estafador, vendía coches trucados moi caros e a súa nai non facía nada, gastaba os cartos. Matilda ía a unha escola onde había unha directora que era moi mala chamada Trunchbull, que castigaba aos rapaces meténdoos nunha gaiola, e daba moito medo a todos os da escola. Matilda un día foi á casa da señora Trunchbull coa súa profesora a señorita Honey.

NOTA:7

Os Megatoxos

Editorial: A Nosa Terra. Escrito por Anxo Fariña

Este libro trata sobre uns rapaces con poderes que se coñecen ao empezar o curso escolar. A súa profesora, Larafuzas, mándalles un traballo que é ir ao pasado a buscar un toxo mutante, pero axudan ao druida Gael a vencer a un monstro chamado Drunxel, mentres as dúas rapazas buscaban polo toxo....

NOTA: 7

Contos de parvos e pillos II

Editorial:Xerais, escrito por Xosé Miranda e Antonio Reigosa

Este libro é a continuación de Contos de parvos e pillos I, un libro moi gracioso, con historias todavía máis disparatadas que na primeira parte.

Nota:7

Cando petan na porte pola noite

Publicado pola editorial Xerais. Escrito por Xabier P. do Campo

Trata de catro historias relacionadas con relatos de terror que están moi ben.

Nota:7

Contos de parvos e pillos I

Do colectivo "Cabalo Buligán" e publicado pola editorial Xerais.

Este libro consta de varias historias inspiradas en todas as épocas, dende a antigüidade ata historias fantásticas; os protagonistas destes contos teñen en común que todos fan accións disparatadas.

NOTA: 7